لا اله الا الله محمد رسول الله

أنت غير مشترك معنا فى منتدى GaMa ارجو الاشتراك واتمنى ان تكون سعيد بهذا المنتدى
مع تحيات ادارة المنتدى

عن المواضيع العامه والمهمة

ارجو من الاعضاء والزوار زيارة الرابط ده http://www.shbab1.com/2minutes.htm لا تنس معياد الصلاه ألابذكر الله تطمئن القلوب اشهد ان لا اله الا الله وان محمد رسول الله
قطعة ارض مبانى مساحة 175 متر المكان طنطا مطلوب 150000 ج لاتصال (0111659240 - 0116598869 - 0403455192 )

دخول

لقد نسيت كلمة السر

المواضيع الأخيرة

» تعليم وتحميل برنامج نيرو 6 مع الصور
الجمعة يناير 31, 2014 7:30 am من طرف احمد عبد الغفار

» صوره رعب رعبت جميع العالم
الإثنين ديسمبر 24, 2012 4:19 pm من طرف hanan2

» الزمالك يعاقب حسين المحمدى.. ويقترب من ضم محمد يونس
الإثنين ديسمبر 24, 2012 3:48 pm من طرف hanan2

» زخارف روعة
السبت سبتمبر 25, 2010 7:25 pm من طرف هشام زكريا

» جماهير الإسماعيلية تطالب برحيل الإدارة بعد السقوط فى «فخ» شبيبة القبائل
الثلاثاء يوليو 20, 2010 3:22 pm من طرف MR.Gama

» البدرى مرتاح للتعادل مع هارتلاند.. ويفاضل بين «غدار» والكاميرونى
الثلاثاء يوليو 20, 2010 3:17 pm من طرف MR.Gama

» Win Materx V4 2010
الجمعة يوليو 16, 2010 7:54 pm من طرف MR.Gama

» فيلم لا تراجع ولا استسلام القبضة الدامية
الجمعة يوليو 16, 2010 7:49 pm من طرف MR.Gama

» إعادة تشريح جثة الشاب المصري الذي تعرض للضرب
الجمعة يوليو 16, 2010 7:43 pm من طرف MR.Gama

التبادل الاعلاني

تدفق ال RSS


Yahoo! 
MSN 
AOL 
Netvibes 
Bloglines 

    نكت روعة

    شاطر
    avatar
    شوكولاتة
    عضو جديد
    عضو جديد

    الابراج : الاسد عدد المساهمات : 184
    تاريخ التسجيل : 01/06/2009
    العمر : 24
    الموقع : gama.ahlamontada

    نكت روعة

    مُساهمة من طرف شوكولاتة في الجمعة يونيو 05, 2009 3:41 pm

    واحد نذل ابوه طرده من البيت وهو طالع كتب على السور ، مقر حركة طالبان

    كمسرى ماشى فى جنازة بيقول يا جماعة الجنازة فضيا قدام

    واحد مسطول بيسأل مراته هو لما بنفتح باب الحمام النور بينور قالت له لا قالها يبقى أنا عملتها فى الثلاجة

    مره واحد احول سجل في الجيش...... حطوه في قسم القصف العشوائي

    .مره واحد مسطول اوى راجع بيتهم الساعه اتنين بليل فاخته فتحت له الباب قام ضربها بالقلم على وشها طاخ وقالها كنتى فين لحد دلوقتى.

    .واحد سكران فتح التلاجه وبص للجلي ...وجده بيرتعش :قالوه متخفش هاخد عصير

    صومالى ركبه عفريت العفريت مات من الجوع

    سكران ماسك الفرخة بتاعته ..قاعد يضرب فيها يضرب فيها ويقولها: كل يوم بيض بيض مافيش جبنه

    مرة واحد سافر الكويت لقى الاسامى بوحمد و بو فهد و بو محمد و بو فيراس راح سمى نفسه بوكيمون

    مرة واحد خد مراته جنينه ال حيوانات و صورها جنب قفص القرود و علق الصورة فى الصالون و كتب تحت الصورة :هذه صورة زوجتى مع القرود ملحوظه زوجتى الثالثه على اليمين

    محشش سأل واحدة اسمك ايه؟ اجابت : أسماء. فقال: يعني ما فيش اسم محدد

    مرة واحد راح السودان بالليل ملاش حد

    مرة واحد بلدياتنا عرف ان الجلد موضة مشى عريان

    ظابط مرور لقى شقته ديقه عملها إتجاه واحد

    مرة واحد بتاع سمك ابنه مات فماشى فى الجنازة يقول :كان صاحى وبيلعب

    مرة واحد بلدياتناوقع فى حفرة نزلولوا حبل طلع مخنوق

    وحدة تقول لحبيبها أهلى مسافرين والبيت فاضى قالها أقرئى قرأن ومتخافيش

    مرة اثنين بلدياتنا في الجيش فالصول بيسال الاول ايه ده قله البندجيه يافندم قله بندجية ايه ياهريدي دي وطنك دي امك فراح للعسكري التاني قاله ايه دي قاله دي ام هريدي يا فندم

    واحد عم بقول لخطيبته انا مش غني ولا عندي مرسيدس ويخت زى محمود بس انا بحبك خطيبته: وانا كمان بحبك لكن احكي لي اكتر عن محمود

    ديك و فرخه معدييم من قدام محل شاورما ..الديك بيقولها شوفى اللى بيحصل للى مبتسمعش كلام جوزها

    واحد قال لأبنه نابليون وهو أدك كان أول واحد في الفصل رد الواد على والده نابليون وهو أدك يا بابا كان إمبراطور

    مرة واحد توأم شاف اخوه، قلو انت فين من الصبح يخرب شكلك، امي خلتني استحما مرتين

    مره واحدة عجوزة عندها 80 سنه لقت مصباح علاء الدين طلع لها الجنى طلبت منه تصغر 30 سنه بقى عندها 50 سنه وطلبت منه يصغرها 20 سنه بقى عندها 30 سنه طلبت منه يصغرها 10 سنين بقى عندها 20سنه طلبت منه يصغرها 10 سنين ـــ جلها الحصبه ماتت

    واحد و هوا بيموت بص لمراتة بصه رومانسيه و قالها لما اترفدت كونتي معايا و لما عييت وقفتي جنبي ولما فلست برضوا كونتي معايا وى دلوقتى لسا جنبي مسك ايدها بحنيه و قالها مش عاريف ليه حاسيس انك نحس

    واحد ملحن دخل مبنى ماسبيرو علشان يعتمدوه ملحن فقالوله كل جمله نقولهالك لحنها .. فاقالوله..لحن واحد حرامى راح ملحنها.. قالوله اتنين حراميه.. راح ملحنها..قالوله بقه شله حراميه قالهم بلادى بلادى بلادى

    مره استاذ.تربيه فنيه حب يختبر التلاميذ..فقل لهم انا عيزكم ترسموا حرام عليك اتقى الله غيبا.....فاوقف تلميذ وقال طيب لو سمحت يااستاذ..اخرج بره علاشان محدش يغش

    إتنين طرش واقفين على محطة الأوتوبيس فدار بينهم هذا الحوار
    -الأوتوبيس ده رايح مصر الجديدة ؟؟
    -إيه ؟ على الحديدة ؟؟ ليه إنت طالب إحسان ؟؟
    -بذرة الكتان ؟تلاقيها عند العطار
    -الجزار ! إنت عاوز لحمة ؟؟
    -زحمة ؟! معلش أصل ده معاد خروج الموظفين
    -نور الدين ؟! معرفوش
    -متشربوش ؟؟ ليه كفا الله الشر
    -راس البر ! دا مصيف هادى
    -المعادى ؟؟ دى ضاحية جميلة
    -بليلة !!! إنت جعان
    -عيان ؟؟ متروح للدكتور
    -حنطور ؟! دى مواصلة جميلة توصلك لحاد الباب
    -هباب !@ و أنا إلى كنت فاكرك محترم
    -إتخرم ؟؟ هو مين ؟؟
    -أسبرين ؟؟ ليه إنت عنك صداع ؟؟
    -قراع ؟ دا مرض خطير
    -فطير ؟؟ده تقيل على المعدة و تمنه غالى
    -خالى ؟؟ إنت تعرفه ؟؟ دا كبير فى السن
    -جن ؟!#إنت راكبك عفريت !!!!
    -كبريت ؟ عاوز تولع ؟؟
    -أتدلع ؟؟؟؟!ليه مفيش حد غيرك أتدلع عليه
    فمر بيهم راجل شرطة لقاهم بيتخانقوا فقالهم : واقفين هنا بتعملوا إيه قالولوا : مستنيين الإوتوبيس
    فقالهم : يانهاركم إسود . جواسيس ؟؟ طب تعالوا معايا على القسم
    ---------------------------------------------------------------------------------------------
    واحد داسته عربيه سيات مات من الضحك

    مره واحد فك مفترس معرفش يربطه

    قزم عطس..... راسه اتخبطت فى الارض

    واحـد احـول حـس بالـبـرد وهـو نـايـم ... قـام وغـطـى اخـوه

    واحد كسلان اوى اتجوز واحده حامل

    واحد خلقه ضاق ......اداه لأخوه الصغير

    اثنين مديرين ... واحــد عــام ... وواحــد غـــرق

    في واحد كريم تزوج واحدة كريمة جابو ولد ادوه للجيران

    واحد مسطول مسك الفرخه اللى عنده و بيخنقها و يقول لها كل يوم بيض بيض مفيش جبنه

    مره واحد اسمه مفتاح مات اهله مزعلوش عليه عشان عندهم نسخه غيره

    واحده ست اشتركت فى من سيربح المليون جوزها طلقها عشان اتصلت بصديق

    واحد قعد يعلم ولاده النداله لما مات رموه فى الزباله

    --------------------------------------------------------------------------------------
    واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه

    لسه مولع من شوية

    ------------------------------------------------------------------------------------------

    صعيدي ربنا فاتحها عليه وساكن في الدور الخامس وبعد ما نزل الصبح افتكر انه نسى
    نظارة الشمس والمنديل فنادى علي زوجته وقالها ارمي النظارة والمنديل فرمت
    زوجته النظارة فانكسرت فقال لها خلي المنديل انا طالع اخذه


    واحد اتجوز واحدة وبعد اربع شهور ونص مراته خلفت ولد
    فسالها الواد دة جه ازاى واحنا متجوزين من اربع شهور ونص؟؟؟؟!!
    قالت له انت متجوزنى من امتى؟؟؟
    قال لها من اربع شهور ونص
    قالت له انا متجوزاك من امتى
    قال لها من 4 شهور ونص
    قالته له كدة يبقوا تسعة .
    فرد عليها ايوة كدة كنتى هتخلينى اشك فيكى

    طبيب عيون بيحب وشايل وردة فى ايديه
    وقال لحبيبته شايفة الوردة دى ياحياتى
    قالتله اه
    قام ونقلها الى اليد الاخرى وقالها طب كده

    الابن: بتعمل اية يابا؟؟
    الاب: بكتب جواب لعمك
    الابن: هو انت بتعرف تكتب؟؟
    الاب: يعني هو عمك اللي بيعرف يقرا يا فالح


    · مرة مدرس رياضة اتجوز مدرسة رياضة خلفوا ولد متساوى الساقين



    · ايه الفرق بين الاسبوع وموس الحلاقة والصحراء؟؟؟؟؟؟؟؟؟؟؟؟ الاسبوع فيه حد ، والموس فيه حدين ، والصحراء ما فيهاش حد



    · واحد أحول راح يجيب أبوه من المطار باس الشنطة وشال أبوه



    · تايه بيسأل واحد ماشى فى الشارع اية اسرع طريق اروح بيه للمستشفى ؟؟ قالوة غمض عينك وعدى الشارع



    · مرة واحد غبي ماشي في الشارع لقي واحد صاحبه قاله ازيك ياعلي شكلك اتغير خالص الثاني رد عليه بس انا مش علي الاول قاله وكمان غيرت اسمك



    · سواق ماشى ع الطريق واحد لابس احمر فى احمر شاور له فوقف السواق و قاله انت مين و عايز اية قالة انا الفرفور الاحمر و عايز توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف و قالة انت مين و عايز اية قالة انا الفرفور الاصفر و عايزك توصلنى فقالة لا مبركبش فرافير و مشى و سابة شوية و قابلة واحد لابس اخضر فى اخضر عمل معاة نفس الحكاية ف السواق سابة و مشى شو ية كمان كدة و لقى واحد لابس ابيض فى ابيض بيشاورلة ف السواق وقف

    و قالة يا ترى انت بقى الفرفور الابيض فقالة الراجل فرفور اية رخصك يا روح امك



    · اتنين مساطيل حبوا يسرقوا عماره فقالوا لبعض احنا ناخد العمارة بعيد ونسرقها برحتنا ، فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ، فواحد منهم بص ورا ملقاش الهدوم فقال له كفاية كدة احنا بعدنا اوى



    · محشش يسأل محشش تتوقع الجمعة يوافق آخر الشهر ؟ رد عليه : لو ضغطنا عليه يمكن يوافق



    · واحد ندل فتح مصنع بيبسي كتب على كل علبة : رج جيدا قبل الفتح



    · واحد راح للدكتور بيقولوا يا دكتور كل ما اكلم واحد ينام مني ........... يا دكتور ........... يا دكتور



    · بلديات فتح محل انابيب غاز .. فجّر اسطوانتين فى وسط البلد .. دعاية

    · واحدة راحت تخطب لابنها .. ام العروسة بتسألها ... وياترى ابنك بيدخن ؟؟؟ ردت عليها : لا لا لا الحمد لله ، ابنى ما بيدخنش..... الا اذا سكر



    · ,احد بيقول لصاحبه ... الحق الثعبان دخل غرفة حماتك ... قاله: سيبه يستاهل



    · ثعبان نظره ضعيف يوم ما حب واحده..... طلعت خرطوم



    · بلدينا ماسك قنبله وعمال يحدفها من الإيد دى للايد دى ، قابله واحد تانى قال له :يخرب بيتك ولما تنفجر فى وشك ، قاله : ماتخافش معايه غيرها



    · بلدياتنا نجح في انتخابات مجلس الشعب، ففي اول جلسة قاعد جنب واحد افندى فالأفندى عزم عليه بسيجارة مارلبورو، وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا !!



    · واحد قال لأبنه: نابليون وهو أدك كان أول واحد في الفصل،... رد الواد على أبوه : نابليون وهو أدك يا بابا كان إمبراطور



    · واحد ومراته متخانقين فبطلوا يكلموا بعض فكتب ورقة صحيني الساعه 6:30 علشان عندي شغل ، وحط الورق على السرير ونام صحي الساعة 10:00 فلقى ورقه مكتوب عليها الساعه 6:30 يلا إصحى

    --------------------------------------------------------------

    كان فى سرير المرض حينما أخذ يلقى بوصاياه الأخيرة لوزيره عاطف :

    وصيتك الحكم من بعدى يا عاطف ..

    فى رقبتى يا ريس .. كله تمام والسلطة هياخدها جمال ..

    ثم راح فى غيبوبة .. أفاق منها بعد قليل

    وصيتك الشعب من بعدى يا عاطف .

    ما تخافش يا ريس .. الشعب ياكل الزلط ...

    ثم راح فى غيبوبة .. أفاق منها بعد قليل

    عاطف :نعم يا ريس

    ماتنساش.. توكيل الزلط لعلاء

    ------------------------------------------------------------------------
    ---
    avatar
    MR.Gama
    Admin

    الابراج : الحمل عدد المساهمات : 367
    تاريخ التسجيل : 26/05/2009
    العمر : 8
    الموقع : www.gama.ahlamontada.net

    رد: نكت روعة

    مُساهمة من طرف MR.Gama في الجمعة يونيو 05, 2009 11:12 pm

    ههههههههههههههههههههههههههههههههههههههههههههههههههه


    _________________
    اتمنى من الاعضاء الاهتمام بالمنتدى
    واتمنى من الزوار المشاركة برد او بموضوع لا تقراء وترحل
    اتمنى قضاء وقت ممتع وسعيد


















      الوقت/التاريخ الآن هو الخميس أكتوبر 19, 2017 5:15 am